Author Topic: Mga Kahalam-utan (Hiligaynon Jokes)  (Read 34822 times)

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #33 on: September 06, 2006, 05:10:09 PM »
Nagkit-anay si Onyot kag Pilo  sa isa ka terminal sang bus kag nag-istoryahanay. Grabe gid ang hibubun-ot ni Pilo sa iya nga problema parte sa iya nga pamilya. Asta nagtugda si Onyot, "Pre, sa tan-aw ko daw mabuang ka gid sa problema mo parte sa imo nga pamilya. Tan-awa bala ang sitwasyon ko!

Pila na katuig ang nagligad sang nakita ko ang isa ka balo kag may bata siya nga dalaga. Nagpakasal kami sang balo, amo ina may ara ako sang stepdaughter nga ginatawag. Pero hindi nagdugay, ginpakaslan sang amay ko ang stepdaughter ko! Ang natabo, ang stepdaughter ko ang manding (stepmother) ko, kag ang tatay ko ang stepson ko man!

Ang misis ko naman naging ugangan nga baye sa iya nga ugangan nga laki. Anga bata nga baye sang akon nga asawa nga iya manding (stepmother), nagbata sang isa ka lalake. Ang bata naging half-brother ko bangud bata sya sang amay ko. Pero bangud sa bata sya sang bata sang akon nga asawa, naging apo sya sang akon nga asawa! Amo 'na lolo ako sang akon utod sa amay.

Maayo na tani kung amo lang ato, asta nagbata kami sang akon nga asawa sang isa ka lalake. Ang half-sister sang akon bata nga akon nga manding (stepmother) iya nga man lola. Amo na ang tatay ko ang bayaw sang akon nga bata, na ang stepsister sang asawa sang akon nga bata. Kung amo 'na, ako ang bayaw sang bata sang akon nga manding. Ang asawa ko tiya sang kaugalingon namon nga bata. Ang bata ko ang hinablos sang akon nga tatay kag ako ang lolo!"


Hayyyyyyyyyy daw mabuang ko ah....indi ko na maintyiendihan! tan-awa nyo 'bi kung tsakto ina? Galingin na ulo ko sagi manumdum.
May amo man 'ni ayhan nga natabo? ??? ??? ???
Thou art the bread of life...
Give me to eat and live...

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #34 on: September 25, 2006, 04:00:15 PM »
Law-ay law-ay nga bata

Isa ka baye gapasaka sa isa ka bus nga may ginakungkong nga bata. Ang bus driver naghamabal, "Ay abaw...subong pa lang ako kita bata nga pwerte ka law-ay bah!".
Sa kaugot sang baye tinampa nya dayun ang driver kag dali-dali pungko sa lingkod nga bahin sang bus.
Isa ka lalaki ang tupad nya natingala nga sagi sya kinusamod kag namangkot sa babaye kung ano natabo.
"Ang wala huya 'na nga driver hu...gin-insulto nya ako", ang kumod sa baye.
Naghatag simpatiya ang lalaki : " Ay...nga insultuhon ka niya man? Pasahero 'ta di kag gabayad kita sang tsakto. Wala ka man 'ya sala."
Nagsabat ang baye. "Huo man! Balikan ko sya kag mulayon para bal-an nya nga sala sya."
"Maayo 'na, 'day," ang saligbat sang lalake. "Dal-a 'di anay AMO mo kay kungkungon ko."
Thou art the bread of life...
Give me to eat and live...

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #35 on: May 02, 2007, 11:08:48 AM »
Babaye : Doc, Kamusta na ang bana ko?
Doc : Sorry ma'am. Sugod subong ikaw na ang magpakaun kag magpaligo sa iya bangud utod na ang iya mga kamot kag tiil.
Babaye : Hah? Nugay-i na ko ah!
Doc : Hehehe! Kulbaan ka gid? Joke lang! Patay na imo bana!


Amo: Inday, maistar diri ang akon ugangan sang 3 ka bulan. Ari ang listahan sang mga pagkaun nga iya gid nga paborito.
Kabulig : Sige, sir.
Amo: Andaman mo lang kung may iluto ka sa mga ginlista ko, ikaw ang tabugon ko diri sa balay.


Asawa: Gapati ka bala nga ang babaye gagwapa kung magtigulang?
Bana: Huo eh!
Asawa: Sa tan-aw mo, gagwapa man ko?
Bana: Sa tan-aw ko daw wala ka gatigulang.


Dagoy: 'Nay, si Duray bala wala nya ko ginpangape, nagbilasyon ako sa tatay nya nga napatay.
Iloy: Bay-i lang 'to, kung mapatay man gani amay mo, hindi 'ta man sya pagpangapehun eh.


Nonoy: 'Tay, gin-akigan ako sang maestra ko!
Amay: Ngaa haw?
Nonoy: Ginhalukan ko bal-an ang klasmyt ko.
Amay: Ikaw bala pareho ka gid sa akon, mana ka gid sa akon. Hehehe! Teh...namit?
Nonoy: Huo eh! Kagwapo siya nga daan.


Bana: 'Ga, ngaa kung mangakig ako sa imo wala ka gabalus haw? Paano mo gina kontrol ang imo kaakig?
Asawa: Gapanglimpyo na lang ako sang inuduro sa banyo.
Bana: Eh...paano 'na makatapna sang imo kaakig?
Asawa: Ay...ginausar ko ang imo nga sepilyo tinlo sang inuduro.


Soltero: 'Nang, pwede ko pangaluyagan bata mo?
Manang: Ay hindi anay subong kay gaeskwela pa sya.
Soltero: Teh...sige ah...kung magpuli na lang sya karun.


Hubog : Hoy! Sin-o isug 'da?! Guwa!
Lalake: Ako? Ngaa haw? Mabato ka?!
Hubog: Pre, idul-ong ko beh sa balay kay nahadluk ako sa asawa ko.


Amay : Ay abaw...nagtin-ad gid man ang aton bata sa US. Ari hu...nagpadala sya litrato, nakasandig pa sa awto. Basaha beh...kung ano ang nakasulat sa likod sang litrato.
Iloy: 'Nay, gapasalamat gid ako kung wala sa awto nga ini natumba gid ako sa kagutom.


Bana: Indi ako makatulog ah, ginapaminsar kung ang utang kay pare nga duwa ka milyon.
Asawa: Tawgan mo si pare eh! Hambala nga indi ka makabayad para sya naman ang indi makatulog.


Thou art the bread of life...
Give me to eat and live...

Offline jakeson

  • Valued Contributor
  • ****
  • Posts: 1096
  • Karma: +5/-9
    • Philippines
Re: Mga Kahalam-utan (Hiligaynon Jokes)
« Reply #36 on: May 02, 2007, 03:24:45 PM »
kadlaw lang ubra ko di sa office. Ang isa ko nga upod dire ginmuno niya nga daw buang ko kuno sagi ka kadlaw. hahahahahahaah ahah
Visit man kamo sa blogs ko =) reflectionsabo utdailylife.bl ogspot.com; myplanetphilip pines.blogspot .com
Philippines
Accounting

Offline masami

  • Board Veteran
  • ******
  • Posts: 1340
  • Karma: +7/-4
Re: Mga Kahalam-utan (Hiligaynon Jokes)
« Reply #37 on: May 02, 2007, 09:59:11 PM »
Basta si nong Lew na gani mg joke butod nman tyan ko sa sagi ka kadlaw :D
What benefit does it have, if a man
gains the whole world but loses his soul....

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #38 on: May 07, 2007, 10:05:20 AM »
punggi nyo lang ;D



Si Miroy, si Bugoy, si Mulong kag si Budok nag-apply sa SM City. Sila ang napilaan para sa pinal nga interbyu.
Isa lang ang ginpamangkot sa ila nga apat sang naga-interbyu, "ANO ANG PINAKADASIG NGA BUTANG NGA IMO NABAL-AN?"

Ang una nga nagsabat si Miroy, "Kung sa akon lang ang pinakadasig nga butang ang PANGHUNA-HUNA, tungod ara na ina sa imo nga ulo hindi mo na kinahanglang pa nga pangitaun kag hulatun pa."
"Maayo gid." ang dayaw sa iya sang gainterbyu.

Ang sunod nga nagsabat si Bugoy, "Mas madasig pa siguro ang PAMISOK! Gaabot kag gahalin lang nga waay ka kabalo."
"Maayo!" ang gintugda sang nag-interbyu.

"The BLINK of an eye, that's a very popular cliché for speed", ang dugang pa nga sabat sa inenglis ni Bugoy.

Tyempo na ni Mulong magsabat sa pamangkot. Nagpaminsar sya sang madalum, ang iya nga istorya. "Dumduman ko sang pagpuli ko kagab-i sa balay gipasiga ko ang suga gulpi lang nagsanag dayun. Sa akon ang pinakadasig PAGSIGA SANG SUGA.
Gabilid ang nagainterbyu sa iya nga sabat. "Ay tuod 'no? Dasig gid man."

Nagsabat si Budok, "Daw indi gid ko 'ya kumporme sang sabat sang tatlo ah....kay kung sa akon ang binakadasig ang LUPOT."
"Ano?!!!!!!!!!!!", nakibot nga reaksyon sang nagainterbyu.

"Pwede ko ina depensahan ang sabat ko, Sir." hambal ni Budok. "Pamati-i ko bala, Sir! Sang nagligad nga adlaw naglain matyag ko, nagdali-dali ako kadto sa kaselyas namon, pero, antis pa MAGHUNA-HUNA, MAMISOK kag PASIGAHUN ANG SUGA...ahay nagrarawit na ang t@e ko sa dilargo."

Si Budok ang nabatun sa ulubrahan. Ara da' sya subong sa SM City, gapamantay kag gapanamyaw sang mga magasulod.
Thou art the bread of life...
Give me to eat and live...

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #39 on: May 11, 2007, 09:25:28 AM »
may ara pa kamo dira mga kahalam-utan nga istorya?
Thou art the bread of life...
Give me to eat and live...

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #40 on: May 31, 2007, 10:45:42 AM »
Bana: Permi lang kita gakamog! Maayo pa nga mabulagay na lang kita!
Asawa: Sige, partihun naton ang mga bata 'ta!
Bana: Huo ah! Akon ang mga gwapo kag gwapa!
Asawa: Ay hala! Ginpili mo gid ang hindi imo!
 
***

Asawa: Lapingasan ka! Permi ka lang gapuli hubog. Naugot na gid ako sa 'tsura!
Bana: 'Ga, kung hindi ko bal-an hubog ako naman ang naugot sa itsura mo!
 
***
 
Asawa: Lahugan ko bala si banahun ko. Mapakunu-kuno ako nga alpot sa eskena namon. (Sang nakita nya na ang iya nga bana) Hi, gwapo! Gusto mo eng-eng 'ta?
Bana: Hindi ko 'ya sa imo. Pareho kamo 'tsura sang asawa ko!
 
***

Sa tubang bintana sang nursery room.
Abyan: Pre, laban-laban pagdako sang bata mo maayo sya mag-drive.
Amay: Ngaa haw? Nakita mo sa iya nga mga kamot?
Abyan: Hindi ah! Pareho sila itsura sang driver nyo!
 
***
 
Pulis: Ari bayad ko sa kape.
Intsik: Nga-a ikaw bayad?
Pulis: Sugo sang amon nga hepe, wala na kotong.
Intsik: Ah gali, teh sige ah! Sugod subong hindi ko na dupla imo kape.
 
***

Tigulang nga Matrona: Ga', sa tan-aw mo mga pila na akon edad?
D.I.: Kung tan-awun ko ikaw sa kilid, 18 anyos ka lang, kung gatalikod ka, 16 anyos, kung magtubang ka, 22 anyos. Kung sumahon ko tanan 56 anyos.
 
***

Nag-istoryanay ang duha ka mag-abyan:

Nonoy: Nga-a nagdaku ang ti-il ni Inday?
Toto: Ginsipa nya bal-an ang bungyod sa ila likod balay.
Nonoy: Nga-a nagdaku ang sunggad ni Neneng?
Toto: Ginduplaan nya ang bungyod. Hoy! Migs, diin ka makadto?
Nonoy: Makadto ako sa likod balay, migs. Mangihi ako sa bungyod.
 
***

Nagpalapit ang 12 anyos nga lalaki nga apo sa iya nga lolo kag namangkot.

"Lholah, nga-a ako pungga?"

"Wala ka ba bal-an napaltak, toto, biskan ipamangkot mo pa sa imo nga iloy," eksplikar sa lola.

"Nhay, nga-a ako pungga?" pamangkot sang bata sa iya nga iloy.

"Ay toto, wala ka pa napaltak, pamangkuta 'to si tatay mo." sabat sang iloy.

Nagpalapit ang bata sa iya nga amay kag namangkot. " 'Tay, nga-a pungga ako?"

Nagginhawa madalum ang amay bag-o nagsabat, "hay, tohtoh phutyhong ka pah."



 
***
 
Nagalabay ang lalake sa isa ka babaye nga may tupad nga ido nga patay taghol.

"'day, gapangagat ang inyo nga ido?" pamangkot sang lalake.

"Wala ah!" Sabat sang babaye kag nagpadayun basa sang iya nga libro.

Naglabay ang lalaki kag gulpi sya ginkagat sang ido.

"'day, hambal mo wala gapangagat ang inyo nga ido? Nga-a ginkagat ako?" Kumod sang lalake.

"Ay hindi 'na 'ya amon ido!" sabat sang babaye
 
***

Nagalabay ang isa ka law-ay babaye sa mga naga-inum.

Ginsunlog sang mga hubog ang babaye, "Law-ay! Law-ay!"

Nagbalos ang babaye, "Palahubog, ma-uy, ma-uy, ma-uy!"

Nagsabat ang hubog, " Eh ano kung ma-uy kag hubog kami? Bwas hindi na kami hubog kag madula na ang amon ma-uy! Eh, ikaw 'ya?"

***

Sa Provincial Hospital, pagtapos operasyon.
Pasyente: Dok, ngaa amo ini operasyon sa ulo ko haw? Daw makita na utok ko.
Doktor: Hindi ka pa 'na "Open-minded" ka na subong?"
 
 
***
A couple placed an ad:
"Have 4 sons, need advice on how to get a daughter."
 
Responded:
Yank: Keep trying!
Briton: Change doctor!
Aussie: Follow a special diet.
Indian: Practice Yoga!
Ilonggo: Tilawan ta eh!
Thou art the bread of life...
Give me to eat and live...

Offline dai nanz

  • Board Veteran
  • ******
  • Posts: 1735
  • Karma: +33/-2
Re: Mga Kahalam-utan (Hiligaynon Jokes)
« Reply #41 on: May 31, 2007, 12:55:12 PM »
Toto Lew...sige pa..damo pa da? hahaha! grabi heri-heee kag harakhak ko di!
"Enjoy the little things in life, for one day you may look back and realize they were the big things."

                                             -Antonio Smith-

Offline Maldito

  • Board Veteran
  • ******
  • Posts: 1478
  • Karma: +7/-7
    • The Toy Collector
Re: Mga Kahalam-utan (Hiligaynon Jokes)
« Reply #42 on: June 01, 2007, 02:41:56 AM »
more!!i want more!!!pamatay boredom gid ni ba!!!i love it..daw buang ko di sagay harakhak..grrr r
It wasn't raining when Noah built the ark.
-Howard Ruff

Offline Ragaak

  • Board Veteran
  • ******
  • Posts: 1440
  • Karma: +16/-10
  • Bread of Life
Re: Mga Kahalam-utan (Hiligaynon Jokes)
« Reply #43 on: June 01, 2007, 02:34:26 PM »
Ari pa gid hu.... ;D ;D ;D ;D ;D

Istoryahanay sang duwa ka tikalon...
Mansing: Grabe gid 'ya ang ido ko! Kada aga gabitibit sya peryodiko para sa akon.
Guiling: Bal-an ko.
Mansing: Ha? Ngaa bal-an mo?
Guiling: Ginsugid sa imo ido sa akon.


Roding: Migs, kamusta na ang assignments?
Toting: Pigado. Wala ko nasabtan. Ginpasa ko na lang ang papel biskan wala sulat.
Roding: Ay hala, ako man wala kasabat. Teh ano 'ni karun? Basi dumdumon ni ma'am nga nag-ilugay kita assignments


Dok: May balana na ang imo kabuhi.
Tokil: Wala na gid 'ya tsansa, dok? Ano ang pwede ko himuon?
Dok: Mag-asawa ka na lang sang law-ay, pala-away kag palamuyayaw.
Tokil: Ngaa man? Maayo ako kung obrahun ko 'na?
Dok: Indi, mas gustuhon mo na lang siguro mamusdok kay sa mabuhi!


Gusto mabal-an sang duwa ka mag-abyanay kung may basketbolan sa langit.
Nagsugtanay sila kung sin-o ang una nga mapatay ang mabalik para magpabalo kung may ara gid man basketbolan sa langit.
Nauna napatay si Dado.
Sang isa kagab-i, may nabatian nga tingog si Budol na daw tingog ni Dado.
"Dado, Ikaw 'na?" usisa ni Budol.
"Huo, ako 'ni!" sabat si Dado.
"Daw indi ako magpati ba!" kakibot 'ni Budol. "Teh...ano? May ara basketbolan sa langit?"
Sabat ni Dado, "May ara ako malain kag maayo nga balita sa imo. Ang maayo, may ara gid man basketbolan digto, Ang malain...upod ka sang kontrahun namon bwas!"


Asawa: Indi na gid ko 'ya kaagwanta! Adlaw-adlaw permi na lang kita gakamog. Maayo pa siguro mahalin na lang ako sa panimalay nga ini!
Bana: Ako man, natak-an na! Kamog diri, kamog digto! Maayo pa siguro, maupod na lang ako sa imo!


Bintaha kag disbintaha kung may asawa ka....
Bintaha: "Kung kinahanglang mo, ara sya dayun"
Disbintaha: "Kung indi mo na gusto, ara man sya gyapon." 


Ano ang ikinalain sang nobya, alpot kag asawa?
Sabat: Post paid, pre paid, unlimited.


Duroy: Migs, sang una mangaranon pa kami, nagakinamot kami kung magkaun. Subong sang pigado na kami, gakutsara na kami.
Muroy: Daw baliskad haw?
Duroy: Bal-an mo migs budlay kamuton ang linugaw.


Bata: 'Tay, nagpamangkot si ma'am kung ano ang imo propesyon.
Amay: Hambala, cardiologist.
Bata: Ano 'na sya, 'tay?
Amay: Gaobra radyo sa car.

Nagpuli ang bana sang alas kwatro sang kaagahun kag nakita nya ang iya asawa nga gina-balbal sang isa ka lalaki sa ila nga katre.
Asawa: (nagsingit) Kanami sa imo! SA DIIN KA NAGHALIN?
Bana: Sin-o 'na ginahulid mo?
Asawa: GRABE KA GID! INDI PAGLAINA ANG PAMANGKOT KO!

Drigo: Ngaa bad trip ka?
Harry: Nagsunggod sa akon utod ko.
Drigo: Ngaa man?
Harry: Nalipatan ko bal-an ang birthday nya.
Drigo: Amo lang 'to nagsunggod sya dayun? Ano ang malain sina?
Harry: Ang malain sa 'to...kapid kami! Kapid!
Thou art the bread of life...
Give me to eat and live...